البوقالات الجزائرية.
- السلام عليكم :
تتسم سهرات العائلات الجزائرية بنكهة خاصة جدا. خاصة سهرات شهر رمضان ، شاي و كوكاو و زلابية و قلب اللوز، و لكن أجمل شيء و هو ما لا أنساه أبدا هو تلك البوقالات الجميلة التي تتحدث عن الأساطير و الحب و الجمال و العادات و التقاليد ، بوقالات رائعة ليت الجميع يشاركنا بما لديه من البوقالات الجزائرية الأصيلة..... أرجو أن تشاركوا بقوة .
سلام.
اخي امين احنا في الاخضرية لسنا متعودين على هذه البوقالات .فهي منتشرة في العاصمة كثيرا خاصة في القصبة القديمة .اما عندنا وكباقي الولايات الجزائرية نتسلى في السهرات قديما بالحكايات التي ترويها جداتنا ببراعة واتقان. رغم ان معضمها اساطير وقصص خرافية الا انها مسلية فعلا . شكرا لك اخي .
لدي بعض البوقالات أرجو أن تنال اعجابكم ،مع أنني أوافق رأي الأخ سي لخضر أن عادة هده البوقالات غير منتشرة في جميع الولايات الى أن قراءتها تعتبر متعة كبيرة
01 حليت باب الجنان لقيتالملاح رقود تنهدت الدالية و تحرك العنقود قال القمر فالسماء نكشف على السحاب يذوبخلي الحبيب لحبيبو و اللي في قلبو حاجة الله يبلغ المقصود
02 نزلت لقاعالبحر خرجت لي جنية قالت لي وشبيك يا لالا مهمومة تكلمي افتحي قلبك ليا قلت لها يامولاتي هذاك حبيبي أداوه عليا قلبي معاه و قلبو معاها هيا .
03 يا لي جايا منالعين و بيدك مليتي السلة سبحان من أعطاك أزين و زاد في بهاك ذيك الحلة .
04 النور يا النور و النور عينيا طبطبوا على الباب و جابو لي الليعزيز عليا راني نتمنى من ربي يجي يطلب يدي من ماليا .
05 جاز عليا شبابفي يده منديل ازرق و ششيته معنقرة و لبسته تبرق عليه نسمح في الولد و عليه نطلقوعليه نخلي البلاد ونردها خندق .
06 الشمعة يالشمعة يا لشمعة الضواية لو كان نعرف وشبيك نمسح هذيك الدمعة من خديك و نرد وجهكمرايا يا ربي يا معبود اقبل دعاية يا رجع لي زهو الزمان ويعيا الحبيب قاعد معايا .
07 اطلعت للسطح و فرشت زربية حرقت حر قوس الذهب و حرقست عينياأفرحي يا يما سعدي ولا ليا نستشفي فالعدو كما استشفى فيا .
08 لو كان السعود ينغرسو نغرس ميات عود و عود في طية وحدي لكن السعودفي يدك يا معبود يا سقام السعود سقم لي سعدي الناس الكل بحبيبهم وأنا غريب في هذاالدنيا وحدي .
09 فاطمة يا فطوم وين ما تكوني نرسلك مرسول إذا سكنتي البحر نرسلكعوامة وإذا سكنتي السماء نرسلك حمامة و إذا سكنتي القبر يحاسبك مولانا .
10 علاش يا لالا التخمام رحمة الله واسعة و كبيرة لو كان جاتبالكلام نتحدثو و نعطوك تدبيرة بصح كل شي بالمكتوب ويعيا و الخير يبان و تزول عليكالهموم و تروح الحيرة .
11 أعلميني يالالا نهار تروحي لحمامك نرفدلك السلة و نمشي قدامك ندور على يمينك و نزيد على شمالكو نبقى لك خديم و طايع على طول زمانك .
12 السفينة الليجات باش نلاقيها باللوز و السكر نرش سواريها و الورد والياسمين نهديه للركاب فيها وبالمسك و العنبر نعطر أماليها .
13 يا لشمسالضوايا يا العالية في سماك لو كان صبتك مرايا و نشوف وجهي بضواك يعود ربحي و غناياو يقسم سعدي ذاك .
14 في الساقيةالماء يجري و الحشيش نابت متخالف بالشوك مليت حجري من هذاك الراي التالف كي غبت وغاب زهري و لا اللي يجيني خايف .
15 أقعدت تحتالنخلة قالولي دقلة نور جات أدور أطلعت فوق النخلة و بالعسل رشيت الصور معاهالمعيشة تحلى حبيبي الساكن في القصور .
16 جيت ساميتالبحر شفت الحوت يعوم عرفت ما عندي زهر في ذا الحظ المحموم كي غاب ضي القمر ما ردتضي النجوم .
17 شجرة ياسمين نايضة في وسط الغرفة عروقها سكنجبير و أغصانهاقرفة والله ما ننساك يا زينة الوقفة.
18 ما نكلش القارصلو يشهيني و ما نخذش الشيخ لو كان يغنيني ناخذ شاب صغير قده يواتيني .
19 دارنا في الجبل مقبلة مكة و فراشها حرير طبقة على طبقة و مصباحالفضة يشعل ما يطفى .
20 غرست ياسمينهفي وسط الدار عروقها سكنجبير و أطرافها نوار يما يا يما محلى عشق الجار العين تخزفي العين و القلب شاعلة فيه النار .
21 أصلك أصلك و ماينفع غير الصح مولاة النية الصافية عليها ربي يفتح أطول و لا تقصر يجيها السعد والربح .
22 يا مولاة القلب الكبير ربي يعطيك و يوسع عليك ما عندك لا ذهب ولا حرير و أنت دايما زاهية و ربي مسهلك ما دريت من حيلة ندير باش نكون مثلك .
23 التمر و الحليب في طبق وسط الخيمة نهديهم للحبيب باه يوالفديمة ما يعزش اللي في الجيب هذاك زوجي يالميمة
24 يا لتفاحالجربى يا مكر بع محلاك نهديك أنا لحبيبي و بيه نرفع اشناك كي حن عليا ربي أرافقوأنا وياك .
25 يا لساكنة في الخيمة و الريح جاني قبلي ردي أوراقك ديمة لايولي الريح غربي .
26 في الدار صندوقمخبي في وسطو ذهب و جوهر مرجان و روبا قظيفة قالولي اماليا لمن مخبيه قلتلهم لهذيكمولاة الشان مولاة المشية الظريفة .
27 يا لالا يالالا يا مولاة القلب القاسي حني على حبيبك يالي طيرتي مني نعاسي ملي شفتك رانينتعذب عليك نعادي اماليا و قاع أحبابي وناسي .
28 حكمت الطيربتكة الحرير و ما ظنيته يطير من بعد ما والف خلى قفصي و عمر قفص الغير و اقعدت أنافي البحور نتمشى تالف لا سواري لا قلاع لا وجدت مقاذف هذ الزمان يعطي و يخالف .
29 علي يا علي يالي سومك غالي من صابك تجي لعندي نفرشلك مطرح حريرو نغطيك بيزاري .
30 عيطت على سيدالملاح صبت الناس رقود هزيت الدالية طاح منها عنقود النجوم قالت النجوم نحكي و قالالقمر نذوب اصبر يا قلبي ياك كل شي مكتوب .
31 يا للي ملكتنني بزينك يالزايدة فيعذابي في الليل نومك و في النهار نترجاك قوليلي غير كليمة يرحم اللي رباك .
32 و ين الطريق اللي فيها محبوبي جيبولي التراب من ثمة نشريهنعمله جعيبة في مكتوبي و إذا مرضو عينيا نكحل بيهحبيبي ما يسمح فيا و أنا ما نسمحفيه .
33 ذاك الحمام اللي محبوس في السجنة يعيا و يفرج ربي و نرجعوا خيرمن اللي كنا .
34 يا قاعدة في الجنينة و القرقاف حذاك في النهار نتفكرك و فيالليل نترجاك قلبي وصل لعندك و عينيا حشمو من بهاك .
ذاك البصر المفلق يما واش فيه راه القلب تعلق لمن نهديه لا طيورتزقزق لا مخبيه .
35 شجرة على طرفالبير و أعراقها دلايا يما شفت الطير وجهوا كي المرايا عليه لعقاد تسير و عليه نطويالثنايا و اللي
شكرا على الموضوع القيم
نعرف 4و لا 5 بوقالات و قلتيهم
عندنا البوقالات نديروهم في الاعراس وسط القاطوا تجي هايلة جربوها
~أمل في يوم اجمل
~أمل في مستقبل افضل
~أمل في مرضاة الله
اجعل الأمل نورا امام عينيك الى آخر لحظة في حياتك
♥
♥♥
♥♥♥
♥♥♥♥
اختكم نور الأمل
- هايلة بزاف . البوقالات يفكروني بوحد الزمن بزاف شباب . زمان كانت فيه المحبة صافية و المرأة كانت تلبس الحايك و التلحيفة و تدير العجار على وجهها.
يفكروني بوحد العادات اللي خلاص ما راناش نشوفوهم في المجتمع التاعنا ، على كل حال مشكورين.
لالا مازالت هاذيك العادات ورثوهانا آباءنا و أجدادنا و سنورثها لأبناءنا و أبناء أبناءنا بإذنه تعالى
العجار لحد الآن عندنا في بلديتنا مشروط على المتزوجات يحطوه و الحايك مازالوا العجايز الكبار يحطوه و يخلوا فقط عين وحدة تبان باه
يشوفوا مع أنهم كبار لكنهم ملتزمات ماشاء الله لهذا الله تعالى يبارك لهم في أعمارهم و أبنائهم لا يمكنني أن أقول أن كل العائلات هاكذالكن
الأغلبية الساحقة من العائلات الجزائرية محافظة لحد الآن بتراثها و نحن نحكم على الأغلبية و ليس الأقلية و شكرا على الموضوع مرة أخرى
~أمل في يوم اجمل
~أمل في مستقبل افضل
~أمل في مرضاة الله
اجعل الأمل نورا امام عينيك الى آخر لحظة في حياتك
♥
♥♥
♥♥♥
♥♥♥♥
اختكم نور الأمل
- الله يبارك فيك أختي . في عين الدفلى و ين نسكن مازالو العادات هاذو كاينني بصح غير في الدواوير . كلامك صحيح و لكن في المدينة حاجة ثانية . اتخيلي واحدة تخرج في وسط ألجي و لا وهران لابسة الحايك و العجار ؟؟؟؟؟؟ . على كل حال الله يثبتنا و شكرا لكم جميعاالمشاركة الأصلية كتبت بواسطة نور الأمل
السلام عليكم
بارك الله فيكم
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
المفضلات