جامعتنا والانترنت

[lallamoussad]

السلام عليكم ورحمة الله وبركاته

جامعتنا والانترنت

هل تتوفر جامعاتنا على الانترنت الذي يمكن لكل طالب ربط حاسوبه

به في

المكتبة مثلا ؟

وإن كان الجواب لا

فلماذا لا يطالب به الطلاب ؟

ويصرون عليه ؟

وهل للطلبة الحق في الدخول الحر إلى المكتبات التي بها حواسب

ولماذا لا يطالب بها ؟

أليست بنفس اهمية النقل والماوى والاكل ؟

حدثونا يا طلبتنا الكرام وأنتم والحمد لله كثر في المنتدى

[القوير]

حسب رأيي لا يوجد اهتمام لا بالاكل ولا بالنقل ولا بأي شيئ في بومرداس مثلا تتاح الانترنت ساعتين في الاسبوع للطلبة الدارسين فقط في نظام lmd

[mouloudia]

انتم في بومرداس راكو تشتكو من الانترنت .
احنا في بن عكنون قاع ما نحلموش بيها.
القراية ما كانش وين نقراو les proffes يدخلو و يخرجو .
les groupes فيهم 65 طالب و 1200 طالب في المحاضرة .
ربي يجيب الخير ان شاء الله

[lallamoussad]

السلام عليكم ورحمة الله وبركاته
وبماذا تطالبون في إضراباتكم التي نسمع بها كل حين؟؟؟؟

[moh lyce]

-نحن في البويرة مثلا كنا في اضراب وكانت الانترنات احدى مطالبنا

[voyageur]

بارك الله فيكم يا رفاق الحرية تؤخذ و لا تعطى اظربوهم بمحافظكم في معنوياتهم سيعطوكم حقوقكم سيكونسيالمو

[saidkom]

في البويرة
كان هناك اضراب على

توفير النقل وتحسينه يعني كي تشوف كيفاه يركبوا ف bus تدوخ قبل ماتركب
فتح مطاعم جديدة و توسيع الحالية يعني لك ان تتصور: قدرة استيعاب المطعم 300 شخص ويستقبل يوميا 4000شخص !!

نقص الهياكل البيداغوجية.
المطالبة بتأثيث مقاعد الدراسة .خاصة بانسبة لاختصاص ادب عربي

المكتبة وما ادراك ما المكتبة ما نحكيش غطرماش مكاش واش نحكي .
والمطالبة بتوفير فضاءات للانترنيت
تنظيم ملتقيات و ندوات من اجل التعريف اكثر بالنظام lmd الذي يبقى اختصاص مجهول بالنسبة للجميع
تنظيم رحلات ونشاطات ثقافية
اما بالنسبة للاقامة الجامعية
توفير المدشات
تحسين ظروف الاقامة
تحسين الاكل -يعني كيما اليوما دارو الحمص بالمرقة-

وحاجات اخرى
هذا واش شفيت ..

[عفاف]

و الله غير الجامعة ما فيها حتى حاجة تصلح من les proffs وصولا الى الاقامة الجامعية لي الله لا يبلي بيها مومن و حبيتونا نطالبو بالانترنيت *واش خصك يا لعمى*.الله يهديهم واش نقولو ياكلو في دراهم الطلبة و يقولو الدولة هي لي ما وفرتلكمش الظروف المناسبة.

[wissi09]

كاين ماشي غير انترنت...كل واحد يعوم بحرو

[ahmed_mca]

واش من انترنت فالجامعة .. غير اديرونا لي صال تيبي برك

[القوير]

ف بومرداس كاين حتي الي راهم يقولو كاين الويفي فالمكتبة ما نعرف ايلا صح

[SALSABIL]

حنا نورمال كاين لاكونكصيو ولي بوست كاين 24 مي يمشو فيهم 18 هذا في لاسيتي مي في لافاك غير الي رايحين يتخجو منعرفش اصلا وين جاي

كاين اغاشي مي نورمال

مع الاول كان 30دج للساعة دك ولا باطل

[genie]

لالا ام سعد. يكن في علم الجميع انه هناك مشروع كبير في اطار الانجاز ,و هو ال Wi-Fi الشبكة الاسليكية لاستعمال الانترنات داخل الغرف في الاقامات الجامعية, وهذا الكلام صحيح , لأني اشرفة بنفسي علئ تخطيط 6 شبكات للا قامات جامعية(بن عكنون بنات, العليا.....).

[lallamoussad]

السلام عليكم ورحمة الله وبركاته
شكرا لك على الخبر السار مرتين
الاولى لان عضوا من منتدانا هو المشرف على عملية ضخمة كهذه
والثانية ان طلابنا لن يحتاجوا غلى السيبر للقيام ببحوثهم
والله يهديهم يستعملوا الانترنت في الفائدة العلمية

[genie]

السلام عليكم ورحمة الله وبركاته
شكرا لك على الخبر السار مرتين
الاولى لان عضوا من منتدانا هو المشرف على عملية ضخمة كهذه
والثانية ان طلابنا لن يحتاجوا غلى السيبر للقيام ببحوثهم
والله يهديهم يستعملوا الانترنت في الفائدة العلمية

شكرا لالاامسعد, واعلمك ايضا ان البداية فقط في العاصمة و بجاية, اما بومرداس مزالة بعد.